İsrail-Gürcüstan Ticarət Palatasının yaradılmasının 30 illiyi münasibətilə keçirilən tədbirdə iki ölkənin rəsmi nümayəndələri bir araya gəliblər.
Görüş zamanı antisemitizmlə mübarizə, eləcə də ictimai diplomatiya sahəsində İsrail və Gürcüstan arasında əməkdaşlığın genişləndirilməsi məsələləri müzakirə olunub.
İtsik Moşenin fəaliyyəti yüksək qiymətləndirilib
Tədbir iştirakçıları İsrail və Gürcüstan arasında münasibətlərin inkişafına töhfə vermiş İtsik Moşenin 35 illik fəaliyyətini xüsusi qeyd edərək, onun iki ölkə arasında əlaqələrin möhkəmləndirilməsində mühüm rol oynadığını bildiriblər.
Tədbir çərçivəsində İtsik Moşe tərəfindən yaradılmış “Israel House” (“İsrail Evi”) ictimai diplomatiya təşəbbüsünün fəaliyyətə başlamasının 15 illiyi də qeyd edilib. Təşəbbüsün ictimai diplomatiyanın inkişafına və beynəlxalq əməkdaşlığın gücləndirilməsinə verdiyi töhfə vurğulanıb.
Qeyd edək ki, İtsik Moşe İsrailli ictimai xadim, ictimai diplomatiya sahəsində fəaliyyət göstərən təşəbbüskar və “Israel House” (“İsrail Evi”) layihəsinin təsisçisidir. O, uzun illərdir İsrail ilə Gürcüstan arasında siyasi, iqtisadi, mədəni və humanitar əlaqələrin inkişafı istiqamətində çalışır.
İtsik Moşe həmçinin İsrail-Gürcüstan münasibətlərinin möhkəmləndirilməsinə verdiyi töhfələr və beynəlxalq səviyyədə antisemitizmlə mübarizə təşəbbüslərində iştirakı ilə tanınır.
Mövzu ilə bağlı
- «Hizbullah»ın tərksilah edilməsi İsrail və Livan sərhədində təhlükəsizliyin əsas şərtidir
- MOSSAD: İran İsrailə muzdlu qatillər qrupu göndərməyə cəhd edib
- Los-Ancelesdəki sinaqoq üç anti-İsrail təşkilatını məhkəməyə verib
Mənbə: jpost.com
