Prezident İlham Əliyevin sərəncamları ilə Azərbaycanın Türkiyənin İstanbul və Qars şəhərlərindəki diplomatik nümayəndəliklərində kadr dəyişiklikləri edilib.
Sərəncamlara əsasən, Zamin Məmməd oğlu Əliyev Azərbaycanın Qars şəhərindəki baş konsulu vəzifəsindən geri çağırılıb və İstanbul şəhərindəki baş konsulu təyin edilib.
O, bu vəzifədə Nərminə Elsevər qızı Mustafayevanı əvəz edib. Öz növbəsində Nərminə Mustafayeva İstanbuldakı baş konsul və Azərbaycanın Qara Dəniz İqtisadi Əməkdaşlıq Təşkilatı yanında daimi nümayəndəsi vəzifələrindən geri çağırılıb.
Dövlət başçısının digər sərəncamı ilə Qoşqar Aslan oğlu Zeynalov Azərbaycanın Qars şəhərindəki baş konsulu təyin olunub.