Yenilənib: Avqust 25, 2026 1:23 axşam
İsrailin milli təhlükəsizlik naziri İtamar Ben-Qvir İsrail polisinin BMT-nin Fələstinli qaçqınlara yardım və işlərin təşkili üzrə Yaxın Şərq Agentliyinin (BAPOR) Şərqi Yerusəlimdəki ofislərindən birini boşaltdığını bildirib.
Jnews.az xəbər verir ki, Ben-Qvirin sözlərinə görə, əməliyyat Kəfr Aqab ərazisində yerləşən BAPOR ofisinə həyata keçirilib və agentliyin əməkdaşları ərazidən çıxarılıb. İsrail mediası da təhlükəsizlik qüvvələrinin ofisə nəzarəti ələ keçirdiyini yazıb.
Ben-Qvir BAPOR-u HƏMAS-la əlaqələrdə ittiham edib. Nazir bildirib ki, İsrail hakimiyyəti Yerusəlimdə suverenliyini təmin etmək niyyətindədir.
Bu ittihamlar BAPOR tərəfindən qəbul edilmir və agentlik öz obyektlərinə müdaxilələrin beynəlxalq hüquqa zidd olduğunu bildirib.
