Macarıstanın şərqində, Mezyokereshtes şəhəri yaxınlığında Polşa qeydiyyatlı sərnişin avtobusunun iştirakı ilə ağır yol qəzası baş verib. Hadisə nəticəsində 12 nəfər həlak olub, ən azı 10 nəfər ağır xəsarət alıb.
Qəza bazar günü səhər saatlarında M3 avtomagistralında qeydə alınıb. Nyredxazaya doğru hərəkət edən avtobus yolun düz hissəsindən çıxaraq xəndəyə aşıb və yan üstə çevrilib.
Macarıstan polisinin ilkin məlumatına görə, qəzanın səbəbi sürücünün sükan arxasında yuxulaması ola bilər. Avtobusda ümumilikdə 57 sərnişin və iki sürücü olub. Məlumata görə, sərnişinlərin hamısı Polşa vətəndaşlarıdır və Podkarpatskoye bölgəsindən olublar. Onların Bosniya və Herseqovinadakı ziyarətdən qayıtdıqları bildirilir.
Qəza yerinə çoxsaylı xilasedici və tibbi yardım briqadaları cəlb olunub. Bəzi sərnişinlərin avtobusun altında qaldığı bildirilib. Xəsarət alanların hamısı xəstəxanalara çatdırılıb.
Polis avtobusun sürücüsünü saxlayıb. Hadisənin dəqiq səbəblərinin müəyyənləşdirilməsi üçün araşdırma aparılır.
Источник: jnews.az
