Bakının Nizami rayonundakı yanacaqdoldurma məntəqəsində ağır qəza qeydə alınıb. Hadisə gecə saat 04:00 radələrində Mehdi Abbasov küçəsində baş verib.
Qəza zamanı SOCAR-a məxsus yanacaq daşıyan yük avtomobili ilə KIA markalı minik avtomobili eyni vaxtda idarəetməni itirib. Hər iki nəqliyyat vasitəsi yanacaqdoldurma məntəqəsinin ərazisinə daxil olub.
Xəsarət alanlar var
İlkin məlumata əsasən, qəza nəticəsində bir neçə nəfər xəsarət alıb. Zərərçəkənlərin sayı və vəziyyəti hələlik dəqiqləşdirilmir. Hadisənin təfərrüatlarını müəyyənləşdirmək üçün araşdırma başlanılıb. /Qafqazinfo.az