ABŞ Prezidenti Donald Tramp sosial şəbəkədə Hörmüz boğazının təsvir olunduğu xəritə paylaşaraq üzərinə “ABŞ-ın yeni ərazisi” yazıb.
Trampın paylaşımına İran Xarici İşlər nazirinin müavini Kazem Qəribabadi sərt reaksiya verib.
O, Trampın Hörmüz boğazı ilə bağlı yanlış təsəvvürünün tezliklə düzəldiləcəyini, yaxud İranın bunu özü “düzəldəcəyini” bildirib.
İranlı diplomat həmçinin qeyd edib ki, Tramp xəritədə “Fars körfəzi” adından düzgün istifadə etsə də, Hörmüz boğazının ABŞ ərazisi olması ilə bağlı iddiası həqiqətə uyğun deyil.
Tramp daha əvvəl də İranla bağlı çıxışında Hörmüz boğazını ABŞ ərazisi elan edəcəyini bildirmişdi. Son paylaşımında isə bu fikrini xəritə üzərində əks etdirib.
